Ұлыстың ұлы күніне арналған «Армысың, Әз Наурыз» атты мерекелік іс шара өтті. Іс шара жәрменкемен басталды. Жәрменкеде оқушылар қолдан жасалған тағамдары сатылды. Мерекелік концертке ауылымыздың үлкендері, қонақтарымен бірге Қайрат селолық округінің әкімі Битниев Е.Қ.,  келіп жылы лебіздерін білдірді. Іс шара барысында спорттық ойындар ойналды: арқан тарту, желке тартыс, күш сынасу, гіртасын көтеру сайыстары бойынша ауыл жастары мен қонақтары жарысқа түсті. «Балапан» шағын орталығының бүлгіршіндері шағын бағдарламаларын ұсынып, көрермендердің көзайымы болды. Жұптық сайыс өтті, онда екі жұп қатысты. Бас жүлдені Шарипов Абай — Жанатқызы Бибінұр қанжығаларына байлады. «Көрермендер көзайымы» номинациясына Мұхамед Райымбек — Тілеуғабылова Арайлым ие болды. Қазақтың салт — дәстүрлерімен таныстырып өтті. Концерттен кейін ауыл тұрғындарына және қонақтарға ас берілді. Наурыз көжеден ауыз тиді.
Ұлыстың ұлы күніне арналған іс шара жоғары деңгейде өткізілді.